Biełaruskija turfirmy prapanujuć stvaryć pad Minskam «Dyśniejlend». Z takoj inicyjatyvaj pradstaŭniki turbiźniesu vystupili siońnia na pasiadžeńni kaardynacyjnaha savieta pa raźvićci turyzmu ŭ Minsku.
Jak adznačajuć pradstaŭniki turindustryi, u Biełarusi nabirajuć papularnaść piacidzionnyja tury. Tradycyjna ŭ skład turpakieta na piać dzion uvachodziać niekalki ekskursij, samyja papularnyja ź ich — heta ahladnyja ekskursii pa Minsku, pajezdki ŭ Niaśvižski i Mirski zamki, «Dudutki». Da taho ž turfirmy hatovy prapanavać zamiežnym haściam pajezdki ŭ rehijony krainy, adnak u asnoŭnym turysty spyniajucca ŭ Minsku i addajuć pieravahu abjektam, da jakich možna dabracca sa stalicy na praciahu dźviuch hadzin. Tamu turkampanii prapanujuć adkryć pad Minskam park zabaŭ, jaki zmoh by pryniać adnačasova vialikuju kolkaść haściej.
Pradstaŭniki turindustryi taksama prapanavali stvaryć dadatkovuju infrastrukturu ŭ Muziei narodnaj architektury i bytu ŭ vioscy Aziarco (Stročycy). Pavodle ich słoŭ, hety kompleks pryvabny dla turystaŭ z mnohich krain. U budučym jon moža stać adnoj z samych naviedvalnych vydatnych miaścin krainy, ličać ekśpierty.
Namieśnik staršyni Minharvykankama Ihar Karpienka adobryŭ hetyja idei. «Treba vybrać užo isnujučy kompleks i abnavić jaho ci stvaryć novy abjekt pad Minskam, jaki možna było b uklučać u turystyčnyja prahramy, raźličanyja na niekalki dzion. Nakont Stročyc… Inicyjatyvu treba abmierkavać ź Ministerstvam kultury i razam pryjści da rašeńnia», — skazaŭ jon.
