Rasija čakaje, što jaje hruzaviki z tak zvanaj «humanitarnaj dapamohaj» buduć źniščanyja.
Pra heta zajaviŭ premjer-ministr Ukrainy Arsienij Jacaniuk padčas intervju ukrainskim žurnalistam.
«Ciapier jany čakajuć, što niekalki mašyn hetaha tak zvanaha kanvoju buduć razbomblenyja. Pryčym rasiejcami ž. Ale my nie dazvolim hetaha», — skazaŭ Jacaniuk.
Mienavita tamu, jak adznačyŭ Jacaniuk, Kijeŭ vyrazna zajaviŭ, što ŭsia adkaznaść lažyć vyklučna na RF i piersanalna na Pucinie.
Jacaniuk raspavioŭ, što byli ahledžanyja 34 rasijskija hruzaviki, jakija apynulisia paŭpustymi. Tak, u adnym z KAMAZaŭ, jaki moža pravieźci 25 ton, znajšli 800 kh harbaty — paru miaškoŭ. Astatnija 33 hruzaviki byli zahružanyja maksimum na 8 ton z 25 mahčymych.
Jacaniuk adznačyŭ, što z samaha pačatku rasiejcy nie płanavali ažyćciaŭlać nijakuju humanitarnuju misiju.
Pa słovach premjera, Rasija chacieła zajechać praz Charkaŭ na terytoryju, kantralavanuju ukrainskim vojskami, a zatym pad prykryćciom «Pravaha siektara» abo inšych ukrainskich sił rasstralać hety hruz i pakazać na viec śviet, «što heta ž chunta». Adnak hetyja płany, pa słovach Jacaniuka, byli sarvanyja.
Jacaniuk taksama pierakanany, što meta Rasii — zrynuć ciapierašniuju ŭładu va Ukrainie i viarnuć jaje pad svoj kantrol.
«Meta — heta nie Danieck, meta — heta nie Łuhansk, meta — heta Ukraina», — zajaviŭ jon.
Pavodle jaho słoŭ, rasiejcy «nijak nie mohuć supakoicca, što my pryniali rašeńnie».
Pry hetym jon zapeŭniŭ, što miesca Ukrainy ŭ ES. «My — častka Jeŭropy, my tudy pajšli, i my tudy pryjdziem», — zajaviŭ jon.
Jacaniuk adznačyŭ, što asnoŭnaja padrychtoŭka rasiejskich uładaŭ zaklučajecca taksama ŭ padahrevie pratestnych nastrojaŭ siarod ukraincaŭ, kab adnavić kantrol nad Ukrainaj.
Jon vykazaŭ nadzieju, što ni adzin ukrainiec nie dazvolić heta zrabić.
Premjer zaklikaŭ nabracca ciarpieńnia. «Ukraina vyjdzie na ekanamičnaje raźvićcio. Tolki vyžyć treba, treba vystajać», — skazaŭ jon.
