Biełaruskaja čyhunka z 29 žniŭnia pa 7 vieraśnia praviadzie dekadu pa prafiłaktycy dziciačaha traŭmatyzmu «Dzieci i biaśpieka», paviedamili ŭ pres-słužbie BČ.
Va ŭsich abłaściach budzie praviedzieny kompleks mierapryjemstvaŭ, skiravanych na prafiłaktyku niaščasnych vypadkaŭ na abjektach čyhunačnaha transpartu. Buduć zadziejničanyja rabotniki arhanizacyj i adasoblenych strukturnych padraździaleńniaŭ BČ, supracoŭniki orhanaŭ unutranych spraŭ na transparcie.
Padčas dekady buduć pravodzicca rejdy pa kantroli za pieramiaščeńniem dziaciej na abjektach čyhunačnaha transpartu, hałoŭnaja meta jakich — papiaredzić znachodžańnie na takich abjektach małaletnich dziaciej biez supravadžeńnia darosłych, a taksama nie dapuścić znachodžańnie na čyhunačnych puciach niepaŭnaletnich u navušnikach abo jakija razmaŭlajuć pa mabilnym telefonie.
Płanujecca praviadzieńnie tłumačalna-prafiłaktyčnaj raboty ŭ pracoŭnych kalektyvach pradpryjemstvaŭ i va ŭstanovach adukacyi.
