Prezident Ukrainy Piatro Parašenka prapanavaŭ usim bakam kanfliktu va Ukrainie vyjści ź jaho, «zachavaŭšy tvar».
Pra heta jon zajaviŭ na sustrečy z kiraŭnikami krain Jeŭrazijskaj trojki i pradstaŭnikami ES u Minsku, paviedamlaje ŭ svaim Tvitary karespandent AP Natalla Vasiljeva.
«Usie zacikaŭlenyja baki chočuć vyjści z kanfliktu i zachavać tvar. Ja hatovy dyskutavać ab takich stratehijach vychadu», — pracytavała jana słovy Parašenki.
Vasiljeva dadała, što słovy prezidenta Ukrainy hučać «na dziva strymana», jon nie zhadvaje rasiejskuju ahresiju, jaje vajennych, pastaŭki zbroi i prablemy na miažy.
U toj ža čas, pa jaje słovach, jon dadaŭ, što Ukraina nie źbirajecca handlavać svajoj niezaležnaściu i terytaryjalnaj cełasnaściu.
U toj ža čas Pucin, pa słovach Vasiljevaj, u svaich pramovach naohuł ihnaruje vajnu ŭ Ukrainie i kaža tolki pra ekanomiku.
