Rasija raźličvaje vyjści z kankretnymi prapanovami pa mahčymaj karekcyi bazavaha pahadnieńnia ab asacyjacyi Ukrainy ź ES i dadatku da jaho da ministerskaj sustrečy 12 vieraśnia.
Pra heta paviedamiŭ žurnalistam ministr ekanamičnaha raźvićcia RF Alaksiej Ulukajeŭ.
«Havorka idzie pra kankretnyja papraŭki, jakija my pavinny ŭnieści ŭ tekst dadatku, i ja nie vyklučaju, što ŭ tekst bazavaha pahadnieńnia», — skazaŭ jon, adznačyŭšy, što raźličvaje vyjści z hetymi prapanovami da ministerskaj sustrečy, zapłanavanaj u Bruseli na 12 vieraśnia.
U svaju čarhu, pamočnik prezidenta RF Andrej Biełavusaŭ nie vyklučaje, što ekśpiertnyja kansultacyi mohuć pryvieści da karekciroŭki tekstu bazavaha pahadnieńnia pa asacyjacyi Ukrainy ź ES i dadatku da jaho.
«My ŭ ścisnutyja terminy pastarajemsia pahladzieć tyja punkty pahadnieńnia ab asacyjacyi Ukrainy i ES, jakija vyklikajuć zaniepakojenaść i niasuć u sabie ryzyki dla Rasii, i pastarajemsia pa hetych punktach znajści niejkija raźviazki. Až da mahčymaha ŭniasieńnia źmienaŭ u tekst pahadnieńnia abo jaho dadatkaŭ», — paviedamiŭ jon žurnalistam.
Jeŭrakamisar pa handli Kareł De Hiucht paćvierdziŭ žurnalistam u Minsku praviadzieńnie trochbakovaj sustrečy RF, Ukrainy i ES pa implemientacyi Pahadnieńnia ab asacyjacyi i svabodnaha handlu Brusiela i Kijeva 12 vieraśnia ŭ bielhijskaj stalicy.
«Ja vieru, što my zmožam znajści rašeńnie pa tak zvanych handlovych uskładnieńniach, jakija ŭźnikajuć u vyniku implemientacyi Pahadnieńnia ab asacyjacyi i hłybokaj i ŭsioabdymnaj zony svabodnaha handlu Ukrainy i ES. Praces praciahvajecca na ŭzroŭni ekśpiertaŭ i 12 vieraśnia ŭ Brusieli my znoŭ sustreniemsia na palityčnym uzroŭni», — skazaŭ jon u aŭtorak.
Čakajecca, što sustreča ŭ Brusieli projdzie na ŭzroŭni ministraŭ, dzie RF budzie pradstaŭlać kiraŭnik Minekanamraźvićcia Alaksiej Ulukajeŭ, Ukrainu — kiraŭnik MZS Pavieł Klimkin i ES — jeŭrakamisar pa handli Kareł De Hiucht.
Trochbakovyja kansultacyi pa implemientacyi Pahadnieńnia ab asacyjacyi byli zapuščany ŭ mai 2014 hoda.
