Prarasiejskija bajeviki, jakija dziejničajuć na ŭschodzie Ŭkrainy, datyčnyja da šmatlikich parušeńniaŭ pravoŭ čałavieka, uklučna z zabojstvami, vykradańniami i katavańniami. Jany taksama majuć «stabilnyja pastaŭki» sučasnaj zbroi i bojeprypasaŭ.
Pra heta havorycca ŭ spravazdačy misii naziralnikaŭ AAN, jakaja składajecca z 34 čałaviek, infarmuje Reuters.
Z pačatku bajoŭ u siaredzinie krasavika kolkaść zahibłych uzrasła jak minimum da 2200 čałaviek. Štodnia ŭ siarednim hinie nie mienš jak 36 čałaviek, adznačajuć eksperty.
«Uzbrojenyja hrupy i dalej źviartajucca da fizyčnych i psychalahičnym katavańniaŭ, žorstkamu abychodžańniu, pakarańniam śmierciu, zabojstvam, vykradańniam i inšym surjoznych parušeńniaŭ pravoŭ čałavieka», — śćviardžajuć aŭtary dakładu i dadajuć, što parušeńni «niepraparcyjnyja adnosna cyvilnych asob».
Pavodle ekspertaŭ AAN, u pałonie bajevikoŭ u peryjad z 16 lipienia pa 17 žniŭnia znachodzilisia nie mienš za 468 čałaviek.
Specyjalisty śćviardžajuć, što pravy čałavieka parušaje taksama ŭkrainskaja armija i specyjalnyja bataljony MUS. Siarod takich parušeńniaŭ — «advolnyja zatrymańni, hvałtoŭnyja źniknieńni i katavańni».
