Pałac Ahinskich u Zaleśsi Smarhonskaha rajona adkryjuć paśla restaŭracyi ŭ kancy vieraśnia, paviedamiŭ namieśnik staršyni Smarhonskaha rajvykankama Hienadź Byčko.
Sučasny etap restaŭracyi siadziby kniazioŭ Ahinskich XIX stahodździa ŭ Zaleśsi ŭ Smarhonskim rajonie pačaŭsia ŭ 2011 hodzie. Budaŭničyja raboty ŭžo zaviaršajucca, a ŭ kancy vieraśnia ich zakančeńnie adznačać uračystym mierapryjemstvam.
Praviedzieny ŭsie nieabchodnyja raboty, pačynajučy ź inžyniernych sietak i naładki aciapleńnia, sistemy vientylacyi. Zmanciravany novy dach, zamienieny vokny i dźviery. Vykanany kompleksny ramont i pa adnaŭleńni pamiaškańniaŭ, leśvic, fasadaŭ budynka. Zaviaršajecca ŭkładka padłohi.
Pavodle słoŭ subiasiednika, majontak budzie maksimalna nabližanym da vyhladu, jaki jon mieŭ u časy svajho viadomaha ŭładalnika Michała Kleafasa Ahinskaha. Pry raspracoŭcy prajekta byli praviedzieny histaryčnyja, archiŭnyja i biblijahrafičnyja daśledavańni, kab maksimalna adnavić stračany vyhlad siadziby. Dla daśledčykaŭ i prajekciroŭščykŭ vialikaj padmohaj byli apisańni źniešniaha vyhladu pałaca i ŭnutranaha ŭbrańnia pamiaškańniaŭ, uspaminy sučaśnikaŭ, a taksama hraviura mastaka Napaleona Ordy.
U budučym pałac Zaleśsie pryznačany viarnuć častku byłoj słavy i stać šmatfunkcyjanalnym turystyčnym i kulturnym kompleksam. Tamu z ulikam raniejšaha vyhladu ŭ čas restaŭracyi ŭ im vydzielena i niekalki funkcyjanalnych zon dla naviedvalnikaŭ — muziejnaja zona, aranžarei, haściavyja pakoi dla turystaŭ, pamiaškańni dla piersanału i muzyčna-teatralnaja zała.
Paśla zaviaršeńnia budaŭničych rabot treba budzie ŭpryhožyć interjer adpaviednaj meblaj. U nastupnym hodzie płanujecca rekanstrujavać i sadova-parkavy kompleks, restaŭryravać haspadarčyja pabudovy.
Usie raboty pa restaŭracyi kompleksu płanujecca kančatkova zaviaršyć da śviatkavańnia 250-hodździa z dnia naradžeńnia aŭtara pałaneza «Raźvitańnie z Radzimaj» u 2015 hodzie.
Pačynajučy z 2011 hoda na prajektyja i budaŭničyja raboty ŭ pałacy Zaleśsie nakiravana 200 tys. jeŭra pa prahramie transhraničnaha supracoŭnictva «Łatvija — Litva — Biełaruś» i amal Br25 młrd z respublikanskaha i abłasnoha biudžetaŭ.
U siadzibie Zaleśsie viadomy hramadski dziejač, dypłamat i kampazitar kniaź Michał Kleafas Ahinski žyŭ amal 20 hadoŭ (z 1802 pa 1822 hod). Tut jon i stvaryŭ svoj samy viadomy tvor — pałanez «Raźvitańnie z Radzimaj». U tyja hady siadziba Zaleśsie była viadoma nasyčanym prydvornym žyćciom, źjaŭlałasia sapraŭdnym kulturnym centram, kudy pryjazdžali muzykanty i kampazitary, paety i mastaki. Jany nazyvali heta miesca Paŭnočnymi Afinami.
