Prezident Rasii, vystupajučy na forumie «Sielihier», nazvaŭ sproby ŭkrainskich vajskoŭcaŭ vyjści z akružeńnia na paŭdniovym uschodzie, nie vykarystoŭvajučy prapanavany humanitarny kalidor, kałasalnaj pamyłkaj.
«Vy razumiejecie, da čaho pryjšli? Žudasna, katastrofa. Tamu ja mahu zrazumieć apałčeńnie paŭdniovaha ŭschodu, čamu jany nazyvajuć hetuju apieracyju vajenna-humanitarnaj, sens siońniašnich dziejańniaŭ — adsunuć ad bujnych haradoŭ artyleryju i sistemu załpavaha ahniu, kab jany ludziej nie mahli zabivać», skazaŭ Pucin.
«I što my čujem ad našych zachodnich partnioraŭ? Što jany nie mohuć hetaha rabić? Jany pavinny dazvolić usim siabie razarvać, zabić? I tady jany buduć dobrymi?» — padkreśliŭ prezident Rasii.
Pa słovach Pucinaa, Zachad pavinien uśviadomić, što ŭ kijeŭskich uładaŭ nie atrymlivajecca navieści paradak u krainie.
«Pazicyju našych partnioraŭ ja dla siabie ŭžo ŭrazumieŭ, - zajaviŭ Pucin. -Tak, treba siadać za stoł pieramovaŭ, ale pakul treba dać vojskam Ukrainy troški pastralać — moža być, jany chucieńka naviaduć tam paradak», — cytuje kiraŭnika rasijskaj dziaržavy ITAR-TASS.
