Usie navučency abrušanaj himnazii ŭ Kryčavie siaduć za party 1 vieraśnia ŭ inšych škołach horada, paviedamiŭ staršynia Kryčaŭskaha rajvykankama Vasil Sysojeŭ.
Nahadajem, siońnia ranicaj u Kryčavie abrušyłasia centralnaja častka budynka miascovaj himnazii 1979 hoda pabudovy. Nichto nie paciarpieŭ. Śledčy kamitet raspačaŭ kryminalnuju spravu pa artykule «Słužbovaja chałatnaść». U himnazii vučacca bolš za 500 čałaviek.
«Usie raźmiaščajucca cudoŭna ŭ inšych škołach horada Kryčava», — skazaŭ Sysojeŭ. Pavodle jaho słoŭ, sielskija škoły zadziejničany nie buduć.
Što da zaniataści nastaŭnikaŭ himnazii, to, jak adznačyŭ kiraŭnik rajvykankama, heta arhanizacyjnaje pytańnie, jakoje budzie vyrašana.
Budynak himnazii, u jakim zdaryłasia abrušeńnie kanstrukcyj, pakul vykarystoŭvacca nie budzie, skazaŭ Sysojeŭ.
U Kryčavie akramia himnazii jašče čatyry ŭstanovy ahulnaj siaredniaj adukacyi.
