DNR maje namier na pieramovach kantaktnaj hrupy pa Ukrainie, jakaja projdzie 1 vieraśnia ŭ Minsku, padniać pytańnie ab abmienie pałonnymi pa formule «ŭsich na ŭsich», na siońnia kala 300 «apałčencaŭ» znachodziacca ŭ pałonie va ŭkrainskich siłavikoŭ i kala 1 tysiačy ličacca prapaŭšymi bieź viestak,
paviedamiŭ u intervju RIA Novosti vice-premjer DNR Andrej Purhin.
«My sprabujem pierakanać ukrainski bok, što treba mianiać «ŭsich na ŭsich», ale na siońniašni dzień pakul biespaśpiachova. Pryčym, nakolki ja razumieju, jeŭrapiejski bok nas u hetym padtrymlivaje, taksama jak i rasijski», — skazaŭ jon.
«My dakładna viedajem, što 300 ź lišnim čałaviek (apałčencaŭ) u pałonie, bolš za tysiaču čałaviek — prapali bieź viestak. Tym nie mienš, mahu vam pryvieści prykład, kali była damoŭlenaść (z Ukrainaj) mianiać 20 na 20 čałaviek, jany (ukrainski bok ) 6 čałaviek zamianili. My prymusili našych šeść čałaviek viarnuć. Ale, kali abmien adbyŭsia, tyja šeść čałaviek, jakija byli «ŭstaŭlenyja» ukrainskim bokam, akazałasia, što jany nie prysutničajuć ni ŭ adnym śpisie, ni ŭ śpisie źnikłych bieź viestak, ni ŭ śpisie pałonnych. Ale heta byli našy ludzi. Heta kaža, što hetyja ličby ŭ razy, kali nie na paradak bolš», — dadaŭ Purhin.
Purhin budzie pradstaŭlać «Danieckuju narodnuju respubliku» na sustrečy kantaktnaj hrupy pa ŭrehulavańni situacyi va Ukrainie, jakaja projdzie ŭ Minsku 1 vieraśnia.
«Sustreča adbudziecca ŭ Minsku ŭ paniadziełak, ad DNR budu ŭdzielničać ja», — skazaŭ Purhin ŭ chodzie vizitu ŭ Maskvu, dadaŭšy, što jamu nie viadoma, chto budzie pradstaŭlać kijeŭskija ŭłady na pieramovach.
