U Biełarusi ź vieraśnia pačałasia biaspłatnaja vakcynacyja dziaciej z 6 miesiacaŭ da 3 hadoŭ, paviedamili ŭ Respublikanskim centry hihijeny, epidemijałohii i hramadskaha zdaroŭja.
Pavodle słoŭ śpiecyjalistaŭ, dziaciej suprać hrypu pryščeplivajuć z šaści miesiacaŭ. Małyšam, jakija ŭpieršyniu ŭ žyćci atrymlivajuć vakcynu, nieabchodna paŭtornaja vakcynacyja ź intervałam nie mienš jak 4 tydni dla farmiravańnia adekvatnaha achoŭnaha imunitetu. Kali pryščepka zroblena adzin raz, heta nie harantuje paŭnacennaj achovy pry kantakcie ź infiekcyjaj. U dalejšym dzicia atrymlivaje pa adnoj pryščepcy, kožny hod dvojčy pryščeplivacca nie treba.
«Jość niuansy i ŭ daziroŭcy. Dzieciam da troch hadoŭ nieabchodna daziroŭka 0,25 mł, starejšym za try hady i darosłym — 0,5 mł», — raskazali ŭ centry.
Dziaciej małodšych za 6 miesiacaŭ ad hrypu nie vakcynujuć, adnak ryzyka ŭskładnieńniaŭ zachvorvańnia ŭ hetaj hrupie vyšejšaja, čym u lubym inšym uzroście. Lepšym sposabam zaścierahčy samych maleńkich budzie vakcynacyja členaŭ ich siemjaŭ i ludziej, jakija dahladajuć ich.
U Respublikanskim centry hihijeny, epidemijałohii i hramadskaha zdaroŭja taksama paviedamili, što masavaja imunizacyja darosłych pačniecca z kastryčnika i pradoŭžycca da kanca listapada.
Vakcynacyja suprać hrypu za košt respublikanskaha i miascovaha biudžetaŭ budzie pravodzicca vakcynaj «Fluvaksin». Heta vakcyna vykarystoŭvajecca ŭ krainie ŭžo na praciahu čatyroch hadoŭ i dakazała svaju efiektyŭnaść i biaśpiečnaść. Za ŭvieś čas vykarystańnia vakcyny «Fluvaksin» u Biełarusi nie było zarehistravana ni adnoj surjoznaj pabočnaj reakcyi. U Biełarusi dazvoleny da prymianieńnia i mohuć zakuplacca dla imunizacyi pry akazańni płatnych pasłuh nasielnictvu vakcyny «Fluaryks» (Bielhija), «Influvak» (Niderłandy), «Vaksihryp» (Francyja), «Ultravak» (Rasija), «Hrypoł plus» (Rasija), «Hrypavak» (Rasija), «Hrypoł Niea» (Rasija), «Influvir» (Rasija).
