«Siem punktaŭ» rasijskaha prezidenta padobnyja bolš na płan vyratavańnia dla ruskich terarystaŭ, i nakiravanyja na zamarožvańnie kanfliktu.
Pra heta zajaviŭ premjer-ministr Ukrainy Arsień Jacaniuk.
«Hety čarhovy «płan» — sproba ašukanstva dla mižnarodnaj supolnaści pierad samitam NATA i sproby paźbiehnuć niepaźbiežnych rašeńnia Jeŭrasajuza ab uviadzieńni novaj chvali sankcyj», — zajaviŭ Jacaniuk.
«Sapraŭdny płan Pucina — heta źniščeńnie Ukrainy i adnaŭleńnie SSSR», — padkreśliŭ jon.
Pa słovach premjera, niama viery nijakim płanam rasijskaha prezidenta.
«Usie papiarednija ŭzhodnienyja Rasijaj damoŭlenaści — u Ženievie, u Narmandyi, u Bierlinie, u Minsku — rasijski režym abo prosta ihnaravaŭ, abo nachabna parušaŭ», — nahadaŭ Jacaniuk.
Pavodle jaho słoŭ, «lepšy płan dla spynieńnia vajny Rasii suprać Ukrainy składajecca tolki z adnaho punkta: Rasija prybiraje svaju rehularnuju armiju, najmitaŭ i terarystaŭ z ukrainskaj terytoryi».
«My čakajem rašeńniaŭ NATA i ES ab spynieńni ahresara», — zajaviŭ Jacaniuk.
Jak viadoma, u sieradu prezident Rasii Uładzimir Pucin pakazaŭ svoj płan rašeńnia situacyi na Danbasie, jaki praduhledžvaje advod ukrainskich vojskaŭ, nieprymianieńnie avijacyi, ale i spynieńnie nastupu bajevikoŭ, jakich, jak viadoma, padtrymlivaje jaho rehularnaja armija.
Novyja sankcyi suprać Rasii ŭ ES pavinny ŭzhadnić da 5 vieraśnia.