Kampanija HTC prezientavała na mižnarodnaj vystavie IFA 2014 smartfon Desire 820. Pryłada siaredniaha cenavaha siehmienta atrymała vaśmijadzierny 64-bitny pracesar, piša it.tut.by
Dyjahanal ekrana składaje 5,5 calaŭ, paramietry HD — 1280x720, prysutničajuć 2 Hb apieratyŭnaj pamiaci, 16 Hb pastajannaj pamiaci i słot dla kart microSD. Asnoŭnaja kamiera - 13 Mp, frantalnaja — 8 Mp. Jomistaść batarei — 2600 mAh.
Manalitny korpus smartfona vykanany z hlancavaha polikarbanatu. U prodažy źjaviacca 9 varyjantaŭ rasfarbovak, siarod jakich bieł-sinie-biełaja, bieł-čyrvona-biełaja, šera-błakitnaja, čorna-błakitnaja, ružova-čornaja i inšyja. Taŭščynia smartfona - 7,74 mm, vaha - 155 hram.
Start prodažaŭ pryłady zapłanavany na kaniec vieraśnia, cana ŭ Hiermanii składzie 329 jeŭra (432 dalary) biez kantraktu. Viadoma, što na niekatorych rynkach budzie prapanoŭvacca taksama viersija smartfona na dźvie sim-karty.
