politika.rs
Kiraŭnik urada Sierbii Alaksandr Vučyč paprasiŭ sadziejničać palapšeńniu vobrazu jaho krainy ŭ śviecie ŭ viadomaha francuzskaha akciora Žerara Depardjo.
Pra heta zajaviŭ žurnalistam sam Vučyč, jaki pryniaŭ Depardjo ŭ čaćvier u Białhradzie. Pa słovach sierbskaha premjera, pakul jany nie damovilisia ni pra jakoje kankretnaje supracoŭnictva, ale akcior «vykazaŭ vialikuju pavahu da Sierbii, sierbskaj historyi i ŭ niekatoraj stupieni da sierbskaj palityki».
Depardjo, u svaju čarhu, zajaviŭ, što Sierbija źjaŭlajecca «vialikaj małoj krainaj ź vialikaj historyjaj i kulturaj», i raspavioŭ, što jon atrymaŭ ad Vučyča ŭ padarunak sierbskaje vino i pradukty.
Akcior asabliva adznačyŭ, što rady, što Sierbija nie dałučyłasia da sankcyj zachodnich krain, uviedzienych u adnosinach da Rasii ŭ suviazi ź situacyjaj vakoł Ukrainy.
