Udzielniki ŭračystaściej ustalavali bieł-čyrvona-biełyja ściahi, adbyŭsia malebien, jaki adsłužyŭ ajciec Leanid Akałovič.
Na śviatkavańnie ź Minska na aŭtobusie pryjechała bolš za 20 čałaviek, dvojčy ich spyniali milicyjanty i papiaredžvali, kab aŭtobus nie zajazdžaŭ u Oršu paśla śviatkavańniaŭ. Pierad pačatkam imprezy staršynia Krapivienskaha sielsavieta taksama papiaredziŭ, kab tut nie pravodzili palityčnyja mierapryjemstvy, paśla siabie prybrali terytoryju i kab u subotu ŭviečary ŭsie raźjechalisia.
Ciapier na Krapivienskim poli znachodziacca kala 30 čałaviek, siarod ich mastak Mikoła Kupava, historyk Aleś Kraŭcevič, hramadskaja aktyvistka Nina Bahinskaja. Tut ža ŭžo tydzień znachodzicca mastacki plener, jaki ładzić Aleś Puškin. Na terytoryi vakoł kryža rasstaŭlenyja malbierty, mastaki malujuć Krapivienskaje pole.
