Spravu eks‑kiraŭnika «Biełnaftachimu» pieradali ŭ sud 5

Kryminalnaja sprava suprać Alaksandra Baroŭskaha raspačataja pavodle troch artykułaŭ KK: č.4 210‑ha (kradziež šlacham złoŭžyvańnia słužbovym stanoviščam u asabliva bujnym pamiery), č.3 art.424 (złoŭžyvańnie słužbovym stanoviščam, što naniesła asabliva bujnuju škodu) i č.2 art. 375 (naŭmysnaje razhałošvańnie słužbovaj tajamnicy).

Niezadoŭha da aryštu A.Baroŭski padaŭ u adstaŭku, ale jaho prośbu nie zadavolili. Niezaležnyja eksperty skieptyčna pastavilisia da abvinavačvańniaŭ eks‑kiraŭnika kancernu ŭ karupcyi. Pavodle ich, u «Biełnaftachimie» stvoranaja prazrystaja systema pastavak nafty i prodažu naftapraduktaŭ, pry jakoj pra karupcyju kiraŭnictva kazać nie davodzicca. Varta nahadać, što rezkija słovy Baroŭskaha nakont niaŭdałych pieramovaŭ z Rasiejaj i časovaha prypynieńnia padačy nafty pa homielskaj «Družbie», skazanyja ŭ časie narady na «Naftanie» z udziełam Alaksandra Łukašenki, vyklikali razdražnieńnie kiraŭnictva krainy.

Nahadajem, što Alaksandar Baroŭski byŭ zatrymany 29 traŭnia 2007 h. «Biełnaftachim» jon uznačaliŭ u śniežni 2005 hodu. Na momant aryštu pradpryjemstva znachodziłasia ŭ kryzysnaj sytuacyi.

SP, pavodle BIEŁTA

0

0

0

0

0

0