Staličnymi pravaachoŭnikami zatrymany mužčyna, jaki stralaŭ ź pnieŭmatyčnaha pistaleta pa aŭtatransparcie. U jaho kvatery znajšli pamiaškańnie, dzie toj vyroščvaŭ kanopli dla vyrabu marychuany.
Vidavočca, jaki patelefanavaŭ u dziažurnuju častku, paviedamiŭ, što mužčyna siarednich hadoŭ stralaje ź pnieŭmatyčnaha pistaleta pa dvuch pryparkavanych aŭtamabilach kala kramy pa vulicy Kalinoŭskaha. Vidavočca taksama pakazaŭ supracoŭnikam milicyi padjezd žyłoha doma, kudy nakiravaŭsia padazravany.
Pa hetym adrasie było vyjaŭlena mierkavanaje žyllo padazravanaha, ale sam jon paśpieŭ źniknuć. Na nastupny dzień incydent paŭtaryŭsia ŭžo na vulicy Knoryna, dzie toj ža mužčyna stralaŭ ź pnieŭmatyčnaha pistaleta pa tralejbusie, paśla čaho taksama źnik u nieviadomym kirunku.
U chodzie praviadzieńnia apieratyŭna-vyšukovych mierapryjemstvaŭ supracoŭnikami adździeła kryminalnaha vyšuku Pieršamajskaha RUUS Minska strałok byŭ zatrymany. Im akazaŭsia 39-hadovy biezpracoŭny mužčyna. Pnieŭmatyčnuju zbroju zatrymany nabyŭ praź Internet.
Jak paviedamlaje pres-słužba Pieršamajskaha RUUS Minska, padčas ahladu zdymnaj kvatery padazravanaha było vyjaŭlena śpiecyjalna abstalavanaje pamiaškańnie dla vyroščvańnia kanopiel.
Akramia taho milicyjanty znajšli asabisty dziońnik, kudy zatrymany zapisvaŭ usie svaje adčuvańni paśla ździajśnieńnia supraćpraŭnych dziejańniaŭ i płanujemyja złačynstvy.
Pa hetych zapisach možna mierkavać ab tym, što ažyjataž i panika, jakija ŭźnikali na miescach złačynstvaŭ, mužčynu padabalisia.
Śledčymi dziei padazravanaha byli kvalifikavanyja jak złačynstvy, praduhledžanyja č.1 art.328 Kryminalnaha kodeksa RB («Niezakonny abarot narkotykaŭ»), a taksama pa č.1 i č.2 art. 339 («Chulihanstva»).
Pryznačany ekśpiertyzy nakont kanfiskavanych padčas ahladu kvatery kanoplaŭ, abstalavańnia dla ich vyroščvańnia, prystasavańniaŭ dla kureńnia, a taksama pnieŭmatyčnaha pistaleta z hazavymi bałonami i mietaličnymi šarykami, što vykarystoŭvajucca dla stralby.
U chodzie rasśledavańnia buduć ustanoŭleny matyvy złačynstvaŭ, pamiery škody, naniesienaj ŭładalnikam transpartnych srodkaŭ, inšyja akaličnaści pa spravie. Varta adznačyć, što za ŭčynieńnie hetych złačynstvaŭ zakanadaŭstvam praduhledžana adkaznaść, źviazanaja z pazbaŭleńniem voli: za niezakonny abarot narkotykaŭ - da 5 hadoŭ, za złosnaje chulihanstva - da 6 hadoŭ.
