Homielskim haradskim adździełam Śledčaha kamiteta Respubliki Biełaruś zavieršana rasśledavańnie kryminalnaj spravy pa fakcie ździajśnieńnia złačynstvaŭ suprać pałavoj niedatykalnaści niepaŭnaletnich i raspaŭsiudžvańnia parnahrafičnych materyjałaŭ.
Śledstvam sabrany dokazy pa 15 epizodach złačynnaj dziejnaści žychara Homiela, 1973 hoda naradžeńnia, paviedamili ŭ Homielskim abłasnym upraŭleńni Śledčaha kamiteta.
U chodzie papiaredniaha rasśledavańnia ŭstanoŭlena, što abvinavačany z žniŭnia 2013 hoda pa studzień 2014-ha nakiroŭvaŭ praź Internet svaim znajomym i demanstravaŭ na asabistym kampjutary videazapisy parnahrafičnaha charaktaru, u tym liku z udziełam niepaŭnaletnich.
Śledstvam dakazana, što abvinavačvany nieadnarazova ździajśniaŭ hvałtoŭnyja dziejańni seksualnaha charaktaru ŭ dačynieńni da dvuch niepaŭnaletnich chłopcaŭ.
Znachodziačysia pad śledstvam, abvinavačany admoviŭsia ad pakazańniaŭ. Jaho vina dakazanaja pakazańniami paciarpiełych i śviedak, vynikami pieratrusu, praviedzienymi kampjuterna-techničnaj, mastactvaznaŭčaj i sudova-miedycynskaj ekśpiertyzami, a taksama ŭ sukupnaści ź inšymi materyjałami spravy.
Kryminalnaja sprava nakiravana ŭ sud dla razhladu. Złačynca moža atrymać da 13 hadoŭ źniavoleńnia.