U ramkach novaha raŭnda abmiežavalnych mier u dačynieńni da Rasiei ZŠA majuć pierakryć «Śbierbanku» i jašče šaści rasijskim bankam dostup da amierykanskaha kapitału. Takim čynam Vašynhton majuć namier pakarać Maskvu za ŭmiašańnie ŭ situacyju ŭ Ukrainie. Pra heta paviedamlaje ahienctva Reuters sa spasyłkaj na ŭłasnyja krynicy.
Taksama sankcyi ZŠA začepiać enierhietyčny i abaronny siektar. U vypadku, kali Maskva vykanaje padpisanyja ŭ Minsku damoŭlenaści, Bieły dom moža adklikać sankcyi. Pra heta havorycca ŭ zajavie prezidenta ZŠA Baraka Abamy, apublikavanaj u čaćvier, 11 vieraśnia, na sajcie Biełaha doma.
«Razam z G7, jeŭrapiejskimi partniorami i inšymi našymi sajuźnikami my dali jasna zrazumieć, što hatovyja prymusić Rasieju zapłacić vysoki košt. My robim novyja zachady ŭ śviatle dziejańniaŭ Rasiei, nakiravanych na destabilizacyju situacyi va Ukrainie», — havorycca ŭ zajavie Baraka Abamy.
Vašynhton ŭvažliva sočyć za realizacyjaj Minskaha pahadnieńnia, adnak, pa słovach Abamy, pakul niama pierakanaŭčych dokazaŭ taho, što Rasieja pierastała destabilizavać situacyju va Ukrainie.
U lipieni 2014 ZŠA ŭžo faktyčna adsiekli piać rasijskich finansavych hrupaŭ — Bank VTB, «Hazprombank», Bank Maskvy, VEB i «Sielchozbank» — ad dostupu da amierykanskich kredytaŭ i rynku kaštoŭnych papieraŭ.
