ZŠA pašyryli sankcyjny śpis suprać Rasii: pad novyja abmiežavalnyja miery trapili šeść rasijskich bankaŭ, u tym liku «Śbierbank», piać enierhietyčnych kampanij, uklučajučy «Hazprom», i piać abaronnych pradpryjemstvaŭ na čale z «Rostecham».
Zharnuć ŭžo najaŭnyja profilnyja prajekty z rasijskimi kampanijami prapanujecca da 26 vieraśnia.
Na sajcie Ministerstva finansaŭ ZŠA apublikavany novy śpis sankcyj suprać Rasiei. Novyja abmiežavalnyja miery zakranuć bankaŭskaj, enierhietyčnaj i abaronnaj śfier. «Miery achoplivajuć najbujniejšy rasijski bank, pahłyblajuć isnujučyja sankcyi suprać rasiejskich finansavych instytutaŭ, pašyrajuć sankcyi suprać rasijskaha enierhietyčnaha siektara i vyłučajuć dadatkovyja rasijskija arhanizacyi, źviazanyja z enierhietykaj i abaronaj», — havorycca ŭ kamientary amierykanskaha viedamstva.
U čym sutnaść sankcyj?
«Śbierbank», «Bank Maskvy», «Hazprombank», «Raśsielhasbank», VEB, VTB — termin dapuščalnaha kredytavańnia źnižajecca z 90 da 30 dzion.
«Hazprom», ŁUKOJŁ, «Surhutnieftiehaz», «Tranśniefť», «Hazpromniefť» — zabarona na ekspart tavaraŭ, pasłuh i technałohij u padtrymku rasijskich prajektaŭ zdabyčy nafty na hłybakavodnych učastkach, arktyčnym šelfie abo ŭ słancavych płastach. Dla «Hazpromniefti» i «Tranśniefti» taksama termin kredytavańnia budzie abmiežavany da 90 dzion.
«Rostech», Myciščanski mašynabudaŭničy zavod, Mašynabudaŭničy zavod imia Kalinina, «Ałmaz-Antej», «Navukova-daśledčy instytut pryborabudavańnia» (NDIP), a taksama kampanija, jakaja źmieščana ŭ amierykanskim sankcyjnym śpisie jak Daśledča-vytvorčy kompleks «Daŭhaprudny» — błakavańnie aktyvaŭ. «Rastechu» taksama zabaroniena nadańnie kredytaŭ na termin bolš za 30 dzion.