Kaardynatar «Jeŭrapiejskaj Biełarusi» Maksim Viniarski abjaviŭsia ŭčora ŭžo apaŭnočy.
Jon viartajecca damoŭ, paviedamiła ŭ «Fejsbuku» pravaabaronca Julija Ściapanava. Pavodle jaje infarmacyi, na praciahu kala šaści hadzin aktyvist znachodziŭsia ŭ Savieckim RUUS Minska, kudy jaho pryvieźli paśla adbyćcia administracyjnaha aryštu ŭ Centry izalacyi pravaparušalnikaŭ (CIP).
Pra toje, što Viniarski źnik, stała viadoma paśla taho, jak svajaki i paplečniki nie zmahli jaho sustreć u CIP. Tady źjaviłasia zdahadka, što jon znachodzicca mienavita ŭ Savieckim RUUS. Ale milicyja heta abviarhała, vynikaje ź infarmacyi ŭ sacsietkach.
Maksim Viniarski byŭ asudžany na 15 sutak administracyjnaha aryštu pa abvinavačvańni ŭ niepadparadkavańni supracoŭnikam milicyi (artykuł 23.4 KaAP). Takoje rašeńnie 1 vieraśnia vynies sud Savieckaha rajona Minska. Viniarskaha zatrymali 29 žniŭnia na vulicy Bahdanoviča pa darozie ŭ Kurapaty, dzie prachodziła štomiesiačnaja tałaka.
