U Homielskaj vobłaści papiaredžana zakupka ultrasučasnaha abstalavańnia, u jakim nie było nieabchodnaści.
Jak skazała staršy opierupaŭnavažany pa asabliva važnych spravach hałoŭnaha ŭpraŭleńnia pa baraćbie z ekanamičnymi złačynstvami MUS Biełarusi Vieranika Paśmiećcieva, mnohija słužbovyja asoby padtrymali inicyjatyvu ab nabyćci kompleksu łaziernaha prajecyravańnia dla naniasieńnia raźmietki ŭ Pałacy hulniavych vidaŭ sportu ŭ Žłobinie. Pry hetym Homielski vykankam na hetyja mety vydzieliŭ biudžetnyja srodki — 1,7 młrd rubloŭ.
«Faktyčna było ŭchvalena nabyćcio ultrasučasnaha abstalavańnia dla spartyŭnaj placoŭki, na jakoj nie toje što mižnarodnyja, navat respublikanskija spabornictvy nie pravodzilisia i ŭ najbližejšaj pierśpiektyvie nie płanavalisia», — adznačyła Vieranika Paśmiećcieva.
Vyśvietliłasia, što ekanamičnych abhruntavańniaŭ dla zakupki kompleksu nie było, Homielski abłvykankam raniej pryniataje rasparadžeńnie ab vydzialeńni hrašovych srodkaŭ pryznaŭ niepravamocnym.
