U zakonaprajekcie ab uzmacnieńni žorstkaści baraćby z narkotykami praduhledžana administracyjnaja adkaznaść za znachodžańnie ŭ stanie narkatyčnaha apjanieńnia biez pryznačeńnia lekara. Pra heta paviedamiŭ siońnia ŭ Viciebsku žurnalistam namieśnik načalnika ŭpraŭleńnia pa narkakantroli i supraćdziejańni handlu ludźmi MUS Biełarusi Vasil Łosič.
«Heta norma daść mahčymaść vyciahnuć ź cieniu narkaspažyŭcoŭ, uličvać ich i pravodzić mierapryjemstvy prafiłaktyčnaha charaktaru», - upeŭnieny Vasil Łosič.
Zakonaprajekt ab uzmacnieńni žorstkaści baraćby z narkotykami płanujecca da razhladu parłamientaryjami ŭ vosieńskuju siesiju. U dakumiencie taksama prapanujecca ŭzmacnić kryminalnuju adkaznaść za zbyt narkotykaŭ zaviedama niepaŭnaletnim, a taksama za vytvorčaść narkotykaŭ va ŭmovach łabaratoryi, dajecca aznačeńnie, što takoje łabaratoryja.
«Dva hady tamu zakanadaŭča było ŭviedziena paniaćcie «anałahi». Novy zakonaprajekt pa ŭzmacnieńni žorstkaści baraćby z narkotykami pašyraje heta paniaćcie i ŭvodzić novaje — «bazavaja strukturnaja vieličynia», što dazvolić achapić bolš šyroki śpiektr rečyvaŭ i na 95% aŭtamatyčna pierakryvać novyja vidy narkotykaŭ», - skazaŭ Vasil Łosič.
U paraŭnańni ź minułym hodam kolkaść kryminalnych spraŭ, uzbudžanych za zvarot narkotykaŭ u Biełarusi, pavialičyłasia na 1,7 tys. «Praktyčna ŭ 5 razoŭ pavialičyłasia kolkaść kryminalnych spraŭ pa narkotykach, dzie fihurantami źjaŭlajucca niepaŭnaletnija. Hetaja tema nadzvyčaj ciapier aktualnaja», - skazaŭ Vasil Łosič.
Pa słovach pradstaŭnika MUS, pavysić efiektyŭnaść baraćby z novymi pahrozami dapamoža mižviedamasnaja antynarkatyčnaja kamisija, jakaja budzie stvorana na bazie troch viedamstvaŭ: Dziaržaŭnaha kamiteta sudovych ekśpiertyz, Ministerstva ŭnutranych spraŭ i Ministerstva achovy zdaroŭja. «Adna z zadač hetaj kamisii — apieratyŭna ŭvodzić narkotyki, jakija źjaŭlajucca, u śpis zabaronienych, — adznačyŭ Vasil Łosič. — U kamisiju ŭvojduć ekśpierty troch viedamstvaŭ, a rašeńni buduć prymacca na ŭzroŭni ich kiraŭnikoŭ».
