Trahiedyja adbyłasia ŭ noč z 14 na 15 vieraśnia.
Dźvie rodnyja siastry, 34 i 35 hadoŭ, adznačali 40-hodździe muža starejšaj ź ich. Adnak, vypiŭšy, jany pasvarylisia. U vyniku małodšaja z žančyn uziałasia za nož i naniesła niekalki ŭdaraŭ u žyćciova važnyja orhany svajoj siastry. «Chutkaja» vyratavać paciarpiełuju ŭžo nie zmahła.
Paralelna da spravy padklučylisia supracoŭniki milicyi. Padazravanuju ŭdałosia zatrymać apieratyŭna: niećviarozaja žančyna znachodziłasia ŭ niekalkich damach ad miesca ździajśnieńnia złačynstva.
Astatnija detali buduć vyjaŭlenyja ŭ chodzie papiaredniaha rasśledavańnia, paviedamlaje pres-słužba UUS Hrodzienskaj vobłaści. Pakul ža viadoma, što padazravanaja ŭ zabojstvie žančyna raniej sudzimaja i źjaŭlajecca abaviazanaj asobaj pa tak zvanym «18 dekrecie»: heta značyć, što raniej jana była asudžanaja za ŭchileńnie ad utrymańnia dziaciej. Zaraz u dačynieńni da jaje ŭzbudžanaja kryminalnaja sprava pa fakcie zabojstva.
