U vioscy Haradziec Rahačoŭskaha rajona troje padletkaŭ atrucilisia nasieńniem durmanu zvyčajnaha, paviedamili ŭ prakuratury Homielskaj vobłaści.
Zaraz stan dziaciej — dvuch chłopčykaŭ i dziaŭčynki — zdavalniajučy. Padletki rychtujucca da vypiski.
Pavodle papiaredniaj infarmacyi, nasieńnie durmanu chłopcy sarvali na viaskovaj kłumbie i pakaštavali ich.
Z skarhami na niedamahańnie padletki nieŭzabavie byli dastaŭlenyja ŭ reanimacyju rajonnaj balnicy, dzie im akazali apieratyŭnuju miedycynskuju dapamohu.
U prakuratury dadali, što ŭ rajonach ciapier pravodzicca rabota pa vyjaŭleńni miescaŭ rostu atrutnych raślin. Rajonnym orhanam ułady zahadana źniščać takija pasievy.
Durman zvyčajny źjaŭlajecca atrutnaj raślinaj. Asabliva niebiaśpiečna dla čałavieka ŭžyvańnie jaho nasieńnia, što vyklikaje halucynacyi i mocnaje atručvańnie až da śmiarotnaha vyniku.
