Amierykanskija sienatary Robiert Mienendes i Bob Korkier unieśli ŭ Sienat prajekt zakona ab novych sankcyjach u dačynieńni da Rasii i padtrymcy Ukrainy, adzin z punktaŭ jakoha praduhledžvaje pradastaŭleńnie Kijevu zbroi.
Paviedamleńnie pra heta, a taksama poŭny tekst dakumienta raźmieščany na sajcie Sienata.
Zhodna ź im, prezident atrymaje paŭnamoctvy pradastavić Ukrainie ŭsio nieabchodnaje dla procidziejańnia nastupalnym uzbrajeńniam, adnaŭleńnia suvierenitetu i terytaryjalnaj cełasnaści, uklučna z procitankavym ŭzbrajeńniem, zbrojaj i amunicyjaj dla asabovaha składu, radaraŭ dla identyfikacyi i vyjaŭleńnia artyleryjskich batarej, kiravańnia ahniom, dalnamierami, abstalavańniem dla naviadzieńnia, bieśpiłotnikami, kamunikacyjnym abstalavańniem i inš.
Na heta ŭ 2015 hodzie płanujecca vyłučyć 350 młn dalaraŭ.
Akramia taho, hetym rašeńniem ad prezidenta patrabujecca ŭvieści dadatkovyja sankcyi suprać Rasiei, u pryvatnaści suprać «Rosabaroneksparta» i inšych abaronnych pradpryjemstvaŭ, jakija majuć dačynieńnie da destabilizacyi situacyi va Ukrainie, Hruzii, Małdovie i Siryi.
Taksama sankcyi buduć užytyja suprać kampanij pa ŭsim śviecie, jakija ažyćciaŭlajuć značnyja inviestycyi asabliva ŭ prajekty zdabyčy nietradycyjnaj nafty ŭ Rasii.
Akramia taho, prezident ZŠA zmoža ŭvieści sankcyi suprać «Hazproma», kali apošni admaŭlaje ŭ pastaŭkach značnych abjomaŭ hazu krainam-siabram NATA, Ukrainie, Hruzii ci Małdovie.
Taksama dakumient nakładvaje abmiežavańni na mižnarodnyja finansavyja ŭstanovy, jakija ŭzajemadziejničajuć z rasijskimi abaronnymi i enierhietyčnymi siektarami, na jakija nakładzienyja sankcyi, abo ažyćciaŭlajuć apieracyi ad imia rasijskich fizičnych abo jurydyčnych asob, jakija znachodziacca pad sankcyjami.
U paviedamleńni ŭdakładniajecca, što dakumient budzie hałasavacca u Sienacie ŭ čaćvier, nieŭzabavie paśla vystupu prezidenta Piatra Parašenki.
