U zonie bajavych dziejańniaŭ na Danbasie najbolš napružanaja situacyja zachoŭvajecca ŭ rajonie n.p.Danieck, Horłaŭka, Dziebalcava. Rasijska-terarystyčnyja vojski praciahvajuć aktyŭnyja dziejańni pa vyciaśnieńni ŭkrainskich vojskaŭ z zajmanych imi pazicyj, jakija supravadžajucca abstrełami, u tym liku z prymianieńniem ciažkich uzbrajeńniaŭ.
Na kirunku Telmanova-Starabiešava nazirajecca zamiena padraździaleńniaŭ rehularnaj armii RF na atrady miascovych terarystaŭ, uzrovień prafiesijnaj padrychtoŭki i dyscyplina ŭ jakich značna nižejšaja. Pry hetym padraździaleńni armii RF pierakidajucca na Dziebalcava i Danieck.
Na Prymorskim kirunku nazirajecca ratacyja rasiejska-terarystyčnych vojskaŭ, padčas jakoj adbyvajecca zamiena rasijskich sałdat terminovaj słužby na kantraktnikaŭ. Sałdaty terminovaj słužby adpraŭlajucca ŭ Rasieju.
Taksama za apošnija 2 dni adznačana prybyćcio na Danbas z terytoryi RF 2-ch novych rotnych taktyčnych hrup i padraździaleńniaŭ śpiecnaza HRU HŠ VS RF. Identyfikavana batareja rasijskich 240-mm minamiotaŭ 2S4 «Ciulpan» (4 adz.).
Adznačajecca aktyvizacyja dyviersijna-raźviedvalnych hrup supiernika na kantralavanych ukrainskimi vojskami terytoryjach, pierš za ŭsio ŭ Łuhanskaj vobłaści i na prymorskim kirunku (u rajonach pa kirunku Vałnavacha-Maryupal).
Nočču z hranatamiota abstralany dom kiraŭnika rajdziaržadministracyi p.h.t. Markaŭka (terytoryja, kantralavanaja ŭkrainskimi vojskami), pry hetym paranienyja dva čałavieki, uklučajučy kiraŭnika RDA.
U «kirujučaj strukturach» terarystyčnych arhanizacyj «DNR» i «ŁNR» fiksujecca zamiena kadraŭ FSB RF na pradstaŭnikoŭ HRUHŠ VS RF. U n.p. Stachanaŭ i Antracyt adznačany narastajučy ŭzrovień niezadavolenaści miascovych bajevikoŭ Rasijskim kiraŭnictvam terarystyčnych arhanizacyj, idzie abmierkavańnie mahčymaści stvareńnia ŭłasnych «respublik». Na hetaj hlebie fiksujucca pierastrełki pamiž pradstaŭnikami miascovych bandfarmiravańniaŭ.
U Novaazoŭsku zafiksavana sproba kiraŭnictva rasiejska-terarystyčnych vojskaŭ arhanizavać mitynh «za Novorośsiju» dla zdymačnych hrup rasijskaha TB. Prymusovym šlacham udałosia sabrać nie bolej za 200 čałaviek.
U n.p.Śniežnaje zafiksavana stvareńnie «ramontnaj bazy» dla ramontu paškodžanaj vajennaj techniki i ŭzbrajeńnia rasiejska-terarystyčnych vojskaŭ. Z Rasiei siudy pierakinutyja pierasoŭnyja ramontnyja kompleksy.
