Kolkaść zahinułych va ŭzbrojenym kanflikcie na ŭschodzie Ukrainy pieravysiła 3,5 tysiačy čałaviek, u tym liku achviaraŭ katastrofy małajzijskaha samalota MH17,
zajaviŭ pamočnik hienieralnaha sakratara AAN pa pravach čałavieka Ivan Šymanovič.
Vystupajučy na pasiadžeńni Rady AAN pa pravach čałavieka ŭ Ženievie, Šymanovič paviedamiŭ, što apošniaja acenka kolkaści zahinułych u kanflikcie, pačynajučy z krasavika, składaje 3 543 čałavieki.
Pry hetym jon zajaviŭ, što hetyja padliki zasnavanyja na najaŭnaj na ciapierašni momant dakładnaj infarmacyi ab zahinułych,
u toj čas jak realnaja kolkaść achviar kanfliktu, chutčej za ŭsio, našmat vyšej.
Raniej, dva tydni tamu, Šymanovič aceńvaŭ kolkaść zahinułych u 3 000, u tym liku jak mirnych žycharoŭ, tak i ŭdzielnikaŭ bajavych dziejańniaŭ z abodvuch bakoŭ.