Adzinočny pikiet suprać vajny va Ukrainie budzie adciahvać uvahu kiroŭcaŭ i papsuje zialonyja nasadžeńni - takija pryčyny byli ŭkazanyja ŭ admovie Minharvykankama hramadskaj aktyvistcy Taćcianie Hračanikavaj, paviedamlaje pres-słužba ruchu «Za svabodu».
«Padadzienaja vami zajava nie adpaviadaje art. 9 Zakona «Ab masavych mierapryjemstvach»», - adznačana ŭ admovie na zajaŭku ab praviadzieńni pikieta, padpisanaj namieśnikam staršyni Minskaha haradskoho vykanaŭčaha kamitetu I.V. Karpienkam.
U pryvatnaści, čynoŭniki ličać, što praviadzieńnie masavaha mierapryjemstva «nie budzie spryjać zachavańniu elemientaŭ dobraŭparadkavańnia i zialonych nasadžeńniaŭ, moža stvarać pieraškody piešachodnamu i transpartnamu ruchu, adciahvać vadzicielej transpartnych srodkaŭ ad vykanańnia PDR».
Akramia taho, dadali jany, u zajaŭcy «nie paznačanyja kankretnyja miery pa zabieśpiačeńni hramadskaha paradku i biaśpieki pry pryviadzieńni masavaha mierapryjemstva».
«Čynoŭniki prajaŭlajuć fantaziju dla admovaŭ, kažuć absurdnyja rečy. Atrymlivajecca, nielha ni stajać, ni hulać, kali navat adzinočny pikiet stvaraje takija surjoznyja pieraškody», - adznačyŭ inicyjatar «Karusieli pikietaŭ» suprać vajny va Ukrainie, siabra Rady Ruchu «Za Svabodu» Arciom Lava.
Pa jahonym mierkavańni, u čynoŭnikaŭ jość «ustanoŭka nie dazvalać nie tolki źviazanyja z ukrainskimi padziejami akcyi, ale i lubyja hramadzianskija inicyjatyvy».
