Pa padazreńni ŭ raspaŭsiudzie narkotykaŭ apieratyŭniki ŭpraŭleńnia pa narkakantroli i supraćdziejańni handlu ludźmi UUS Viciebskaha abłvykankama zatrymali žychara Połacka, paviedamlaje pres-słužba MUS.
Śpiecapieracyja była praviedziena ŭ momant «zakładki» psichatropnych rečyvaŭ. Pravaparušalnikam byŭ supracoŭnik adnaho sa śledčych padraździaleńniaŭ Viciebskaj vobłaści.
Vyjaŭlenyja sumiesna z supracoŭnikami Śledčaha kamiteta ŭ «zakładkach» pakunački, a taksama kanfiskavanyja pa miescy žycharstva zatrymanaha spajsy, «marki» i arhtechnika nakiravany na ekśpiertyzu.
Pa hetym fakcie staršynioj Śledčaha kamiteta zaviedziena kryminalnaja sprava pa č.3 art.328 KK Respubliki Biełaruś.
Rasśledavańnie kryminalnaj spravy znachodzicca na jaho asabistym kantroli i daručana dla vytvorčaści śledčych dziejańniaŭ Hałoŭnamu śledčamu ŭpraŭleńniu.
Supracoŭnikami UUS Viciebskaha abłvykankama i Śledčaha kamiteta pravodzicca kompleks dalejšych apieratyŭna-śledčych mierapryjemstvaŭ pa vyśviatleńni ŭsich supraćzakonnych faktaŭ, učynienych zatrymanym.