392 novyja studenty sioleta ŭvosień raspačynajuć svajo navučańnie ŭ Jeŭrapiejskim humanitarnym univiersitecie. U ich liku 329 studentaŭ bakałaŭrskich prahram i 63 mahistranty.
Aficyjnaja cyrymonija adkryćcia novaha 2014/15 navučalnaha hoda adbudziecca ŭ aŭtorak 30 vieraśnia a 15:00 u 214 aŭdytoryi navučalnaha korpusa EHU (vuł. Vałakupiu, 5). Sioleta rektar-zasnavalnik EHU akad. Anatol Michajłaŭ pračytaje svaju tradycyjnuju adkrytuju lekcyju a 15:30.
Supolnaść studentaŭ robicca bolš hieahrafična raznastajnaj: pryniatyja sioleta pieršakurśniki pachodziać z bolš šyrokaha absiahu biełaruskich nasielenych punktaŭ.
«Vyhladaje na toje, što farmujecca novy trend: pieršakurśniki pastupajuć nie tolki ź vialikich haradoŭ i pamiežnych rehijonaŭ Biełarusi, ale i ź mienšych miastečak u inšych abłaściach», – adznačaje kaardynatar Adździeła EHU pa nabory studentaŭ Maksim Miłta.
Bolš za 95% novych studentaŭ pachodziać ź Biełarusi, astatnija jość pradstaŭnikami takich krain, jak Rasija, Ukrajina, Litva i Kazachstan.