Kamitetam dziaržaŭnaj biaśpieki Respubliki Biełaruś spyniena supraćpraŭnaja dziejnaść złačynnaj hrupy, jakaja sprabavała pad vyhladam rabot suśvietna viadomych mastakoŭ Kłoda Mane, Vinsenta Van Hoha, Edvarda Munka, Kanstancina Juona i Vasilija Kandzinskaha pradać karciny nieŭstanoŭlenych aŭtaraŭ, paviedamlaje pres-słužba viedamstva.
Zatrymanyja śćviardžali, što prapanavanyja imi na prodaž tvory mastactva byli vyviezienyja z rezidencyi eks-prezidenta Ukrainy Viktara Janukoviča. Za 5 karcin nazvanyja asoby chacieli atrymać 2 młn. jeŭra.
U ciapierašni čas pravodziacca mastactvaznaŭčaja i inšyja ekśpiertyzy kanfiskavanych karcin, u chodzie jakich budzie vyznačany realny košt pałotnaŭ, a taksama ŭstanoŭlena ich mastackaja, kulturnaja i histaryčnaja kaštoŭnaść. Śpiecyjalisty, pa atrymanych papiarednich źviestkach, miarkujuć, što karciny majuć peŭnuju kaštoŭnaść, adnak ich cana značna nižejšaja zajaŭlenaj padazravanymi.
U vyniku praviedzienych pa miescy žycharstva zatrymanych asob pieratrusaŭ supracoŭnikami KDB vyjaŭlenyja i kanfiskavanyja bolš za 100 staradaŭnich abrazoŭ i karcin.
Pavodle papiaredniaj acency ekśpiertaŭ vialikaja častka kanfiskavanych tvoraŭ žyvapisu i hrafiki napisana farbami i na pałotnach pieryjadu 18—19 st.
U dačynieńni da padazravanych Kamitetam dziaržaŭnaj biaśpieki zaviedziena kryminalnaja sprava pa prykmietach składu złačynstva, praduhledžanaha č.2 art.233 (niezakonnaja pradprymalnickaja dziejnaść) KK Respubliki Biełaruś. Kančatkovaja pravavaja acenka dziejańniam nazvanych asob budzie dadziena pa vynikach rasśledavańnia kryminalnaj spravy.
