Alaksandr Łukašenka 1 kastryčnika padpisaŭ ukaz № 463 ab likvidacyi z 1 śniežnia 2014 hoda Biełaruskaj transpartnaj prakuratury, paviedamlaje pres-słužba prezidenta.
Jaje funkcyi pieradajucca Hienieralnaj prakuratury i prakuraturam abłaściej. Śpiecyjalizavanyja transpartnyja prakuratury, jakija znachodziacca ŭ padparadkavańni Biełaruskaj transpartnaj prakuratury, buduć pierapadnačalenyja prakuraturam abłaściej.
«Transpartnyja prakuratury na miescach zachoŭvajucca dla zabieśpiačeńnia kvalifikacyjnaha nahladu za vykanańniem zakanadaŭstva na abjektach transpartu i vykanańniem zakonnaści ŭ dziejnaści orhanaŭ unutranych spraŭ na transparcie»,— rastłumačyli ŭ pres-słužbie.
«Takaja rearhanizacyja skiravanaja na ŭdaskanaleńnie sistemy orhanaŭ prakuratury i skaračeńnie štatnaj kolkaści, — zaznačajecca ŭ paviedamleńni pres-słužby. — Pryniaćcie ŭkaza dazvolić źmienšyć asihnavańni, što vydzialajucca z respublikanskaha biudžetu na ŭtrymańnie orhanaŭ prakuratury, u 2014 hodzie na 312 młn rubloŭ, u nastupnyja hady — na 2,2 młrd štohod».
