Hrupa navukoŭcaŭ ustanaviła, što čałaviek upieršyniu zaraziŭsia virusam imunadeficytu ŭ 1920-ch hadach na terytoryi, dzie zaraz znachodzicca stalica Demakratyčnaj Respubliki Konha Kinšasa (były Zair).
Da hetaj vysnovy navukoŭcy pryjšli paśla hienietyčnaha analizu virusa, atrymanaha z uzoraŭ kryvi, uziatych u Kinšasie ŭ 1959 hodzie. Vyniki daśledavańnia byli apublikavanyja ŭ časopisie Science.
Akramia taho, była paćvierdžana viersija, što VIČ źjaŭlajecca muciravanym virusam šympanze, ź jakimi čałaviek, vierahodna, zaraziŭsia ŭ chodzie kantaktu z zaražanaj kryvioju.
Faktarami, jakija spryjali raspaŭsiudžvańniu virusa ŭ DRK, mahli stać handal seks-rabyniami, chutki rost nasielnictva i niesterylnyja ihołki.
Na pieratvareńnie VIČ u pandemiju ŭ svaju čarhu paŭpłyvali miascovyja žaleznyja darohi, pasłuhami jakich da kanca sarakavych hadoŭ paśpieli skarystacca kala miljona čałaviek.