U Ispanii jašče dva čałavieki špitalizavanyja z padazreńniem na lichamanku Eboła.
Imiony hetych ludziej nie vydajucca. Viadoma, što adzin ź ich źjaŭlajecca miedycynskim rabotnikam, a druhi — padarožnikam, jaki prybyŭ z adnoj z krain, dzie raspaŭsiudžvajecca lichamanka.
Raniej paviedamlałasia, što miedsiastra ŭ Ispanii zaraziłasia virusam lichamanki Eboła ad pamierłaha ŭ balnicy śviatara, paźniej jaje muž byŭ źmieščany ŭ karancin u adnu ź miascovych balnic.
Rehijanalnaje adździaleńnie Rehijanalnaje adździaleńnie Suśvietnaj arhanizacyi achovy zdaroŭja ličyć źjaŭleńnie novych vypadkaŭ zaražeńnia virusam Eboła ŭ Jeŭropie niepaźbiežnym.
Pra heta paviedamlaje Reuters sa spasyłkaj na dyrektara Jeŭrapiejskaha biuro SAAZ Suzannu Jakab.
«Vypadki pa takoj prostaj schiemie, jak toj, što adbyŭsia ŭ Ispanii, vielmi vierahodna, buduć adbyvacca i ŭ budučyni», — zajaviła Jakab.
Na jaje dumku, raspaŭsiudžvańniu lichamanki ŭnutry Jeŭropy moža spryjać pierasoŭvańnie ludziej ź jeŭrapiejskich krain u Afryku i nazad.
Fondavy rynak Ispanii adreahavaŭ padzieńniem u aŭtorak na navinu pra pieršy vypadak zaražeńnia virusam Eboła ŭ krainie.
