Uračystaje adkryćcio pomnika adbudziecca 22 kastryčnika. Jon raźmieścicca na hałoŭnaj płoščy nievialikaha studenckaha haradka Słubicy, jaki znachodzicca pobač ź niamieckaj miažoj.
Inicyjataram ŭźviadzieńnia manumienta staŭ Kšyštaf Vajciachoŭski, dyrektar «Collegium Polonicum», sumiesnaj adukacyjnaj placoŭki Univiersiteta imia Adama Mickieviča ŭ Poznani i Jeŭrapiejskaha univiersiteta Viadryna ŭ Frankfurcie-na-Odery. Aŭtaram staŭ 30-hadovy armianski skulptar Mihran Akabian, student «Collegium Polonicum».
Košt pomnika – kala 43 tysiač polskich złotych (prykładna 13,5 tysiač dołaraŭ). Hrošy na manumient pajšli z municypalnaha biudžetu Słubicaŭ.
Płanujecca, što ŭ cyrymonii adkryćcia prymuć udzieł jak pradstaŭniki polskaha i niamieckaha adździaleńniaŭ Wikimedia, tak i hałaŭnoha ofisa Wikimedia Foundation u San-Francyska.