21 vieraśnia na staražytnym śviaciliščy radzimičaŭ u vioscy Chalč Vietkaŭskaha rajona adbyłosia viasielle pa pahanskim abradzie.
Niezadoŭha da aficyjnaj cyrymonii ŭ ZAHSie Alaksandr i Maryna vyrašyli pravieści viasielle na miescy, jakoje było kultavym dla žycharoŭ Homielščyny dachryścijanskaj epochi.
Jak raspavioŭ Dźmitryj Kirejenka, jaki vykonvaŭ «žreckuju» častku dziejstva, U roznych rehijonach Biełarusi, niahledziačy na źniešnija adroźnieńni, viasielnyja abrady majuć pad saboj adnolkavuju asnovu. «My nie rekanstrujavali abrad. My vydzielili ź jaho samaje asnoŭnaje i zrabili aktualnym heta dla siońniašnich časoŭ. Heta nie prajhravańnie abradu, a jaho sučasnaja interpretacyja i pieražyvańnie», — dadaŭ jon.
Alaksandr Kavalkoŭ raspavioŭ, čamu jany z žonkaj vybrali mienavita taki sposab aśviacić svoj šlub: «My, jak tolki pačali sustrakacca z Marynaj, užo dumali, što praviadziem viasielle «pa-tutejšamu». Heta było nie prosta rašeńniem, a našym unutranym vopytam i adčuvańniem».
Bolš infarmacyi i fota tut.
