Stvaralniki sajta 1863x.com razyhrali biełaruskaha dziejača Viačasłava Dzijanava, viadomaha svaimi prarasijskimi pohladami. Dzijanavu napisali ad imia maskoŭskaj kampanii Ciny Kandełaki «Apostał Miedyja Hrup», jakaja zajmajecca palityčnym pijaram, i prapanavali pracu na karyść Pucina.
Sapraŭdnaść pierapiski Dzijanaŭ paćvierdziŭ.
Viačasłaŭ Dzijanaŭ zajaviŭ, što paćviardžaje kožnaje słova sa svajho listavańnia z pradstaŭnikom «Apostał Miedyja» adnosna svajho ŭdziełu ŭ prajekcie «Busieł». Jon skazaŭ, što adkazaŭ by dakładna hetak ža na ŭsie pytańni na svajoj staroncy ŭ fejsbuku:
«Ja heta pišu i adkryta vystupaju z hetaj pazicyjaj i tut ździŭlacca niama čaho. Niejkija kankretnyja imiony, proźviščy, kantakty ja nie nazvaŭ, tamu śmiešna kazać, što tut niejkaja siensacyja. Pa sutnaści, usio, što ja ahučvaju ŭ fejsbuku, u sietkach i błohach, ja paŭtaryŭ. Choć dziesiać razoŭ mnie tak napišuć, ja dziesiać razoŭ tak adkažu. Ja ŭ pryncypie paćvierdziŭ usie słovy, jakaja kazaŭ dahetul. Mahčyma, niekatoryja rečy ahučyŭ bolš kankretna i praktyčna, ale heta adpaviadaje asabistamu listavańniu. Ja supracoŭničaju z peŭnymi rasijskimi siłami, padtrymlivaju Pucina — heta tak».
«Ale vy, naprykład, vyrazna spasyłajeciesia na Kaciu Kibalčyč…»
Dzijanaŭ: «Nu, mianie pytalisia, chto da takoj niejtralnaj pazicyi adnosicca. Ja ž baču pa sietcy. Ja napisaŭ, što ja jaje asabista nie viedaju, ale takaja infarmacyja raspaŭsiudžvajecca. Ja jaje asabista nie viedaju, ja jaje nie rekamendavaŭ. To bok jana nie atrymała ad mianie nijakaha śpisu rekamiendacyj».
U pryvatnaści, Dzijanavu prapanavali ŭznačalić infarmacyjny prajekt «Busieł», jaki maje stać alternatyvaj «Tutbaju» i «Chartyi» i «supraćdziejničać biełaruskim nacyjanalistam» napiaredadni vybaraŭ 2015 hoda.
Dzijanaŭ «zahareŭsia» idejaj i pačaŭ pryznavacca, jak lubić Pucina, maŭlaŭ, Łukašenka mała robić dla rasijska-biełaruskaj intehracyi.
Kali ŭ Dzijanava zapytali, kaho jon moža prapanavać dla supracy, jon paraiŭ Kaciu Kibalčyč i partyju Kalakina «Spraviadlivy śviet», taksama paviedamiŭ, što maje kantakty z kiraŭnictvam usich biełaruskich partyjaŭ i arhanizacyj.
