Pa-pieršaje, heta prosta pryhoža. Asimietryčny adkaz uładzie, jakaja znachodzicca pa-za miežami etyki i estetyki. Va ŭmovach adsutnaści vybaraŭ pracujuć nie apielacyi da koštaŭ kamunałki ci vyviadzieńnia rasijskich vajskovych baz, a tolki hłabalnyja i zrazumiełyja apielacyi da Pryhožaha i Dobraha. Kali ŭsia palityka ŭ krainie pradstaŭlenaja adnym artystam, supraćstajać jamu moža tolki artyst, jaki pradstaŭlaje ŭsiu etyku i estetyku. Niama iluzijaŭ adnosna pieramohi, bo heta ŭsiaho tolki śpiektakl pra adviečnaje supraćstajańnie dabra i zła. I čym bolš zrazumieły jon budzie šyrokaj publicy, tym lepš jon budzie ŭspryniaty i tym bolš u im budzie sensu dla budučyni.
Pa-druhoje, heta prosta sumlenna. Kali kandydat ad minułych vybaraŭ siadzić u turmie tolki za toje, što jon kandydat, a nie fihlar, pavodle ŭsich zakonaŭ marali i łohiki, jon zastajecca kandydatam, i «tyja» vybary nie skončylisia. Pytańnie pra toje, što zakony marali i łohiki «nie takija prostyja, jak zdajecca», pakiniem unukam, roŭna jak i acenku našych dziejańniaŭ. Z adlehłaści takija rečy vyhladajuć vielmi prosta.
Pa-treciaje, prosta jamu niama alternatyvy. Mnostva ludziej hałasavała za jaho minuły raz i asabista ja ni razu nie čuŭ, kab niechta rasčaravaŭsia. Pra inšych kandydataŭ čuŭ i čuju takoje na kožnym kroku. Naadvarot, mnohija paškadavali, što hałasavali nie za jaho.
Padkreślu, havorka nia idzie pra vybary ci pra toje, jakim by Statkievič byŭ prezidentam. Viadziecca prosta pra toje, jak možna zhulać hety śpiektakl z karyściu dla nacyi i krainy.
Prosta.
