Pa internecie šyroka razyšoŭsia siužet «Espresa TB» pra abaronu ŭkrainskimi vajskoŭcami Danieckaha aeraporta, u jakim byli vykarystanyja kadry, źniatyja i z boku rasiejskich bajevikoŭ, i z boku ŭkraincaŭ.
Asablivuju papularnaść atrymali vykarystanyja ŭ im iraničnyja kamientary adnosna zvyčajaŭ bajevikoŭ, zroblenyja samimi abaroncami — aficeram 79-j asobnaj aeramabilnaj bryhady pa mianušcy «Maršał» i jahonymi padnačalenymi.
U adnosna spakojnyja chviliny na svaich pazicyjach jany taksama rabili viasiołyja i pazityŭnyja videa — naprykład, dziakavali dzietkam za dasłanyja malunki i ciopłyja rečy.
Na hetych vychodnych «Maršał» i jahonyja žaŭniery viarnulisia ŭ svoj horad Mikałajeŭ na ratacyju. Paśla adpačynku jany viernucca ŭ boj.
Rasiejskija bajeviki šturmujuć aeraport Daniecka ź siaredziny vieraśnia, užo niekalki razoŭ zajaŭlali pra jahony zachop, adnak hetaja infarmacyja kožny raz akazvałasia niesapraŭdnaj. Zručnyja abarončyja pazicyi, dobry bajavy duch i jakasnaja padtrymka z boku artyleryi kožny raz dazvalali ŭkraincam adkidać praciŭnika.
