Ministr handlu Biełarusi Valancin Čakanaŭ ličyć patrebnym zabaranić u krainie rekłamu piva. Pra heta jon paviedamiŭ na pasiadžeńni pałaty pradstaŭnikoŭ nacyjanalnaha schodu Biełarusi.
Adkazvajučy na pytańnie deputata Aksany Niachajčyk, ci nie płanujecca zabaranić u krainie rekłamu piva, bo abjomy jaho spažyvańnia, u tym liku moładździu, vialikija, a sam napoj nanosić nie mienšy škody, čym ałkaholnyja napoi abo tytuniovyja vyraby, kiraŭnik viedamstva adznačyŭ, što padtrymlivaje hetu inicyjatyvu.
«Majo asabistaje mierkavańnie, nam treba nabližacca ŭ hetym płanie da Rasii i treba pryznać piva ałkaholnym napojem. Kali my heta zrobim, my takim ža čynam možam unieści źmieny ŭ zakanadaŭstva ab tym, što hety napoj budzie zabaroniena rekłamavać, jak inšyja ałkaholnyja napoi», — adznačyŭ Valancin Čakanaŭ.
Ministr taksama paviedamiŭ, što ŭ krainie ŭ hetym kirunku ŭžo zroblena mnohaje. «My skaracili čas na rekłamu piva, prymajem značnyja miery da parušalnikaŭ. Ale treba ruchacca dalej i prapanoŭvać, kab rekłama piva była zabaronienaja», - padkreśliŭ kiraŭnik viedamstva.
