«Stratehija pravilnaja — apora na avijacyju i miascovyja naziemnyja siły, ale tych srodkaŭ, jakija vykarystoŭvajucca suprać «Isłamskaj dziaržavy ŭ Irakie i Levancie», niedastatkova», — adznačyŭ u intervju Defence News padpałkoŭnik armii ZŠA ŭ adstaŭcy Džon Nehł, udzielnik vajny ŭ Iraku i aŭtarytetny ekśpiert u sfery antyterarystyčnych dziejańniaŭ.
Irakskija kurdy, jakija vajujuć suprać isłamistaŭ.
Aktyŭnaść avijaŭdaraŭ pavinna być kudy bolšaj, u kožnym irakskim i kurdskim bataljonie musiać być amierykanskija instruktary i daradcy, kaža Nehł.
«My jašče nie pačali vajavać. Čas pačynać», — ličyć jon, źviartajučy ŭvahu na faktar času, jaki vielmi važny ŭ vajnie z padpolnymi i nierehularnymi farmavańniami.
Ciažkaści z treniroŭkaj novych žaŭnieraŭ u Afhanistanie.
Džon Nehł byŭ tankavym kamandziram padčas pieršaj vajny ŭ Iraku, adnak paśla taho, jak Amieryka prademanstravała svaju moc suprać zvyčajnaj armii Iraka, jon papiaredziŭ, što ŭ budučym asnoŭnymi pahrozami stanuć nierehularnyja farmavańni, terarystyčnyja hrupoŭki i inšyja asimietryčnyja pahrozy. ZŠA pryjdziecca jeści sup łyžkaj, aleharyčna pisaŭ Nehł.
Jon udzielničaŭ i ŭ druhoj vajnie suprać Iraka, paśla čaho dałučyŭsia da stvoranaj kamandujučym hienierałam Devidam Pietreasam hrupy analitykaŭ, jakija raspracoŭvali stratehiju źniščeńnia terarystyčnaha padpolla ŭ Irakie i Afhanistanie.
