Paśla zajavy ab pryznańni vybaraŭ u samaabvieščanych «DNR» i «ŁNR» mahčymaść admieny sankcyj suprać RF vyklučanaja.
Pra heta zajaviŭ aficyjny pradstaŭnik kanclera FRH Štefan Zajbiert.
«Całkam niezrazumieła toje, što ŭ Rasii razdajucca aficyjnyja zajavy, u jakich havorycca pra pavahu i navat pryznańnie tak zvanych vybaraŭ», — skazaŭ Zajbiert.
Niamieckaje vydańnie TagesSpiegel sa spasyłkaj na bryfinh Zajbierta paviedamlaje, što ŭ situacyi, jakaja skłałasia na paŭdniovym uschodzie Ukrainy, vyklučajecca mahčymaść admieny Jeŭrasajuzam ekanamičnych sankcyj suprać Rasii. «Kali situacyja budzie paharšacca, moža ŭźniknuć nieabchodnaść uzmacnić sankcyi», — pieradaje jaho słovy niamieckaje vydańnie.
Raniej MZS RF raspaŭsiudziŭ zajavu, u jakoj havorycca, što Rasija pavažaje vybar paŭdniovaha ŭschodu Ukrainy i vykazvaje hatoŭnaść i ŭ dalejšym sadziejničać vyrašeńniu ŭkrainskaha kryzisu.
Nahadajem, raniej u ES dapuskali mahčymaść uzmacnieńnia žorstkaści sankcyj u vypadku pryznańnia psieŭdavybaraŭ na Danbasie.
