Pa zaprašeńni kansałtynhavaj hrupy «Maksimum» mahistr «Što?Dzie? Kali?» ŭžo naviedvaŭ biełaruskuju stalicu. Patašoŭ vystupaŭ sa svaim unikalnym treninham, pryśviečanym pryniaćciu rašeńniaŭ u biznesie i kiravańni. Ale kurs nastolki zapatrabavalny, što viadomy ŭdzielnik intelektualnaha kłuba vystupić dla biełaruskaj aŭdytoryi jašče raz.
Matematyk i markietołah Maksim Patašoŭ nie tolki trochrazovy ŭładalnik pryza «Kryštalnaja sava». Jon jašče prezident fiederacyi spartyŭnaha brydža Rasii, kiraŭničy partnior «R & P Consulting». Raniej rasijski biznes-trenier pracavaŭ top-mieniedžaram šerahu bujnych kampanij, u tym «Łabaratoryi Kaśpierskaha» i Roshosstrachu».
Treninh Patašova asabliva karysny dla tych, kamu davodzicca znachodzić inavacyjnyja rašeńni prablem, być asnoŭnym źvianom u stratehii pradpryjemstva.
Na dumku intelektuała, hałoŭnaja prablema ŭ tym, što i dla asobnych ludziej i dla kampanii rašeńni čaściakom prymajucca naŭhad. U vyniku jany akazvajucca nieefiektyŭnymi, i ŭ anałahičnych fors-mažornych situacyjach kiraŭniki nastupajuć na tyja samyja hrabli.
Kožnamu markietołahu ci meniedžaru treba avałodać teoryjaj taho viernaha ałharytmu, jaki viadzie da pravilnaha vyniku. Kab dobra pradavać svoj pradukt, Patašoŭ raić nie tolki dobra zasvoić jak prymajucca rašeńni, ale i praanalizavać mahčymyja matyvacyi i madeli pavodzinaŭ partnieraŭ.
Tolki paśla hetaha šmatbakovaha analiza klijenta varta vybudoŭvać markietynhavuju stratehiju, dzie vašyja dziejańni adpaviadajuć čakańniam pakupnika.
Patašoŭ u svaich treninhach i ŭłasnym dośviedam pakazvaje, što mozh treba padtrymlivać u tonusie. Tolki pastajannaja refleksija ŭłasnych pamyłak, intelektualnaje samaŭdaskanaleńnie i sport dapamohuć dziełavomu čałavieku trymacca na płavu i raźvivać svoj patencyjał. Łohika i pazityŭny dośvied — voś hałoŭnyja instrumientaryi kiraŭnika.
16 śniežnia Patašoŭ vystupić u Minsku, a 17 śniežnia ŭpieršyniu naviedaje Viciebsk.
