Pavodle jaje słoŭ, «užo stvorany imidžavy rolik ab Biełarusi, jaho ŭsiudy pakazvajuć, jon stvaraje ahulnaje ŭražańnie ab krainie, ale my chacieli b zrabić rolik inviestycyjnaj nakiravanaści. Taki, jaki jość u šerahu susiednich krain — Litvie i Łatvii».
Nikandrava paviedamiła, što ŭ ahienctvie adbyłasia sustreča pradstaŭnikoŭ dziaržorhanaŭ i patencyjalnych stvaralnikaŭ videapraduktu dla abmierkavańnia 15 rolikaŭ, źniatych u inšych krainach. «My dla siabie prykładna vyznačyli, jakim pavinien być rolik ab Biełarusi», — adznačyła Nikandrava.
Jana paviedamiła, što pakul abjaŭleny konkurs na stvareńnie kancepcyi.
«Rolik pavinien pryciahvać uvahu da krainy, raskryvać inviestycyjnuju pryvabnaść Biełarusi, adkazvać na pytańnie, čamu mienavita našu krainu pavinien vybrać inviestar. Siońnia vielmi vialikaja kankurencyja na rynku inviestycyj. Rolik pavinien davać niejkija klučavyja ličby. Jość peŭnyja praviły prezientacyi i rolika. Jak zrabić tak, kab hetaja ličba zasieła ŭ śviadomaści tych, chto jaho hladzić. Ideja rolika pavinna być aryhinalnaj, pavinna začapić hledača, mohuć być vizualnyja efiekty. Ale my miarkujem, što budzie pradstaŭlena kreatyŭnaja ideja. Kali jana źjavicca, my zadziejničajem kreatyŭnuju hrupu ŭ stvareńni rolika», — skazała Nikandrava.
