Masharsud źmiakčyŭ da 2 hadoŭ i 10 miesiacaŭ pakarańnie nieanacystu Maksimu Marcinkieviču, raniej asudžanamu na piać hadoŭ za raspalvańnie mižnacyjanalnaj i relihijnaj varožaści.
Takim čynam apielacyjnaja kalehija častkova zadavoliła skarhu abarony asudžanaha.
Kuncaŭski sud Maskvy ŭ siaredzinie žniŭnia prysudziŭ Marcinkieviča, viadomaha taksama pa mianušcy Ciasak, da piaci hadoŭ kałonii strohaha režymu za toje, što jon raźmiaściŭ na svajoj staroncy sacsietki «Ukantakcie» try videaroliki ekstremisckaha źmiestu.
U 2005 hodzie Marcinkievič zasnavaŭ ultranacyjanalistyčnuju hrupoŭku skinchedaŭ «Farmat-18», u naźvie jakoj zašyfravana imia Adolfa Hitlera.
U 2010 hodzie hrupoŭka była pryznana ŭ Rasii ekstremisckaj i zabaroniena.
Prysud Kuncaŭskaha suda staŭ dla Marcinkieviča ŭžo trecim - raniej jon atrymaŭ dva turemnyja terminy pavodle taho ž artykuła.