U mai 2016 h. kampanija «Minsk Prynces Hatel» źbirajecca ŭvieści ŭ ekspłuatacyju pieršuju čarhu hatelnaha kompleksa katehoryi «piać zorak plus», jaki budzie znachodzicca na miescy byłoha palihrafkambinata na płoščy Jakuba Kołasa.
U skład haściničnaha kompleksu ŭvojduć dva zabaŭlalnyja centry, šmatuzroŭnievy zakryty parkinh, punkty chutkaha charčavańnia, dziciačy hulniavy centr, kinazały, načny kłub, fitnies i spa-centr, kanfierenc-zały.
Košt prajekta składzie kala 70 młn dalaraŭ, a krynicami finansavańnia prajekta stanuć ułasnyja srodki daččynaj struktury «Princess International Group» i zamiežnyja inviestycyi.
Vierahodna budzie zaklučana damova frančajzinhu i haściničny kompleks budzie pracavać pad viadomym brendam.
U śniežni adbudziecca i aukcyjon pa prodažy častki majomaści Minskaha vytvorčaha abjadnańnia vyličalnaj techniki, taksama jaki raźmiaščajecca kala płoščy Jakuba Kołasa. U adpaviednaści z kancepcyjaj zabudovy terytoryi, na miescy MVAVT pavinny ŭźniknuć handlova-zabaŭlalny, kulturna-maładziožny i administracyjna-dziełavoha kompleksy. Pačatkovy košt pradmieta aŭkcyjonu składaje 930,1 młrd rubloŭ.
