Pieršy namieśnik ministra adukacyi Biełarusi Vadzim Bohuš pravioŭ sustreču z supracoŭnikami i studentami Mižnarodnaha dziaržaŭnaha ekałahičnaha ŭniviersiteta imia A.D.Sacharava, na jakoj razhladałasia pytańnie ab abjadnańni Biełaruskaha dziaržaŭnaha ŭniviersiteta i MDEU imia A.D.Sacharava,
paviedamiła pres-sakratar Ministerstva adukacyi Julija Vanina.
«Paśla sustrečy z kalektyvam pryniata rašeńnie ab detalovaj prapracoŭcy inicyjatyvy, pakolki važna zachavać jak intelektualny patencyjał VNU, tak i ŭmovy dla raboty i navučańnia studentaŭ», — skazała jana.
Vanina adznačyła, što abmierkavańnie hetaha pytańnia idzie ŭ suviazi sa skaračeńniem kolkaści studentaŭ u MDEU imia Sacharava. Pavodle jaje słoŭ, nastaŭ jakasna novy etap u raźvićci vyšejšaj škoły, jaki abumoŭleny značnym źnižeńniem kolkaści abituryjentaŭ. Heta abjektyŭnaja realnaść, jakuju treba ŭličvać, usie VNU apynulisia ŭ stanie vialikaj kankurencyi za abituryjenta.
U Biełarusi pracujuć 54 ustanovy vyšejšaj adukacyi, u jakich navučajucca amal 400 tys. studentaŭ.