Ministr zamiežnych spraŭ Ukrainy Pavieł Klimkin zajaviŭ pra admovu ŭkrainskich uładaŭ advajoŭvać rehijony na ŭschodzie Ukrainy, kantralavanyja prarasijskimi sieparatystami.
Pra heta jon paviedamiŭ niamieckaj haziecie Rheinische Post. «Takaja vajennaja apieracyja zakranuła b taksama i cyvilnaje nasielnictva, našych ukrainskich suhramadzian», — cytuje vydańnie kiraŭnika MZS Ukrainy.
Jon padkreśliŭ, što ŭrad Ukrainy namierany i dalej prytrymlivacca režymu spynieńnia ahniu i praciahvać pošuk palityčnych rašeńniaŭ u kanflikcie. U vypadku kali prarasijskija sieparatysty znoŭ pačnuć atakavać pazicyi ŭkrainskaj armii, jana daść im dastojny adpor, bo za apošni čas jaje bajazdolnaść istotna ŭzrasła, skazaŭ Klimkin.
«Siońnia ŭ jaje šerahach tysiačy sałdat, jakija mohuć zmahacca i ŭžo dakazali heta», — adznačyŭ kiraŭnik ukrainskaha źniešniepalityčnaha viedamstva.
Jon taksama daŭ zrazumieć, što Ukrainie ŭ bližejšy čas znoŭ spatrebicca dalejšaja finansavaja dapamoha Zachadu.
