Kali milicyja zatrymała, u jaje pačałasia łomka, kidała to ŭ žar, to ŭ choład. Razam ź joj zatrymali dvuch chłopcaŭ.
Pra złačynnuju schiemu prodažu narkotyka raspavioŭ načalnik adździaleńnia pa narkakantroli i supraćdziejańni handlu ludźmi Maładziečanskaha rajadździeła milicyi Dźmitry Suchocki.
Dziaŭčyna zakuplała narkatyčnyja reahienty ŭ Minsku, a ŭ Maładziečnie na zdymnaj kvatery rabiła spajs.
Razam sa svaim 21-hadovym maładym čałaviekam, što pracuje achoŭnikam, jana stvaryła ŭ sacyjalnaj sietcy «Vkontaktie» supołku, praź jakuju pradavała narkotyk. Pakupnik pisaŭ zakaz, pieraličvaŭ hrošy praz elektronny kašalok, a jamu dasyłali paviedamleńnie, dzie budzie schavanaja zakładka z narkotykam.
Dalej da spravy dałučaŭsia 22-hadovy taksist, jaki padvoziŭ jaje da patrebnaha miesca. Dziaŭčyna rabiła zakładku narkotyku.
Jak paviedamiŭ milicyjanier, traich zatrymali ŭ aŭtorak, 11 listapada. Siońnia ich płanujuć aryštavać. Dziaŭčyna rabiła zakładki na mohiłkach, što mieściacca kala mikrarajona Paraški, u haražnym kaapieratyvie.
Milicyja znajšła 18 zakładak pad vazami la mahił, u treščynach. U adnaho z zatrymanych doma milicyja znajšła 60 hramaŭ psichatropnaha rečyva.
Sa stvoranaj dla prodažu narkotyku supołki aktyŭna vydalajucca siabry, ale milicyja mnohich pakupnikoŭ užo praviaraje.
Taksama šukajuć tych, chto pradavaŭ padazravanaj reahienty ŭ Minsku pa takoj ža schiemie zakładak.
Dziaŭčynie i jaje maładomu čałavieku pahražaje da 13 hod pazbaŭleńnia svabody z kanfiskacyjaj majomaści. Što tyčycca taksista, to ź im situacyja nieadnaznačnaja. Jon zapeŭnivaje, što nie viedaŭ dakładna, dla čaho vaziŭ dziaŭčynu.
Małady čałaviek, jaki zajmaŭsia hrupaj u sacyjalnaj sietcy, maje dzicia ad inšaj žančyny.
Sama 18-hadovaja dziaŭčyna pryjechała ź Vilejskaha rajona. Vučyłasia ŭ politechničnym kaledžy, ale jaje adličyli. Nie pracavała, žyła na zdymnaj kvatery. Jana sama 2-3 hady ŭžyvała narkotyki.
